تدوم الفــــنجره ياأبو جينا

تدوم الفنجره ياأبو جينا

طبعا إحنا معرفناش لغاية دلوقتى أخويا سامى الحاج مصور قناة الجزيره
مسكوه ليه
وسجنوه وعذبوه فى جواتنامو ست سننين بسبب إيه
وليه سابوه

رغم إن حوالى ستميت شخص أو أكتر حفؤهم وحطوهم فى جوانتنامو

بعد ان اهدروا كرامتهم بدون ذنب ولا جريمه

ولاحتى توجيه إتهام خايب من إياهم

غير إن الأمريكان يوم مادخلوأفغانستان ملقوش حد فيها بتاتا غير الناس المسكينه المسالمين دول

وكانو عايزين عدد يقفلوا بيه محضر الأحتلال وخلاص زى فيلم فاروق الفيشاوى إياه
وبدليل مفيش ولا تهمه وجهت ليهم من يوم ماخطفوهم ولحادة الآن

وزى ماإنتم شايفين كل كام سنه يطلعو إتنين تلاته
ويمكن بشرة خير و على بال ماولايه الريس بوش
تنهى يكون كله بره إن شاء الله
ولا مظلوم واحد فى جوانتنامو موجود
ولأنها صراحة مسخت اوى أوى

عموما عشان الساعة قربت تخلص
ألف مبروك
ياسمسم ياأبو السماسم
وكله فى ميزانك ولايأس مع الحياه والله العظيم
ويافرحتنا وفرحة 90 دقيقة
وأهل وشعب السودان الشقيق

وياخيبه القراصنه بتوع جوانتنامو

وللأمانة
عايز أسجل شكرى
وأقول
تدوم الفنجره يا أبو جينا
أصدى يا ريس بوش

منظومة أبوك عند أخوك الإستيراتيجية

تمنياتى فى شهر مايو المجيد

أو شهر أيار العظيم

وبالغيظه فى كل العالم الأبيحة إللى عايزين يشمتو فينا

إنى أصحى من النوم ألاقى الحكومة ألغت العمل

بمنظومة أبوك عند اخوك الإستيراتيجية

رحمة بينا وبيها حتى تبقى مصر فعلا محروسة ويعم الحب والرخاء والأحترام بينا وبينهم جميعا

وصدقت يابابا سييد الله يرحمك

لما قلت لى

طول ما منظومة أبوك عند اخوك موجوده

أمك وإخواتك البنات وحتى بنت عمتك وداد الله يشفيها

والشعب الغلبان

مووش بخير